• September 23, 2020

सांसद अपहरणको यथार्थ चाँडै बाहिर आउँछ : सुवास नेम्वाङ

 सांसद अपहरणको यथार्थ चाँडै बाहिर आउँछ : सुवास नेम्वाङ
मनपरे शेयर गरौ ! 

काठमाडौं / सत्तारुढ नेपाल कम्युनिस्ट पार्टी (नेकपा) संसदीय दलका उपनेता सुवासचन्द्र नेम्वाङले ‘सांसद अपहरण’को यथार्थ छिट्टै आउने बताएका छन् ।

शुक्रबारबाट सुरु भएको प्रतिनिधिसभाको बजेट अधिवेशनको पहिलो बैठकलाई सम्बोधन गर्दै नेम्वाङले आफ्नो दल कुनै पनि आपराधिक क्रियाकलापको पक्षमा नहुने बताए । उनले भने, ‘यसमा भएको के हो ? संसदको यही अधिवेशनमा यथार्थ आउँछ ।’

सत्तारुढ नेकपाका सांसद महेश बस्नेत, किसान श्रेष्ठ र पूर्वप्रहरी महानिरीक्षक सर्बेन्द्र खनालमाथि समाजवादी पार्टीका सांसद डा. सुरेन्द्र यादवलाई अपहरण गरेको आरोप लागेको छ । उनीहरुविरुद्ध जाहेरी समेत परेको छ ।

नेकपा संसदीय दलका उपनेता नेम्वाङले संसदको यो अधिवेशनले बजेटसँगसँगै शान्ति प्रक्रियासम्बन्धी बाँकी काम टुंग्याउनुपर्नेमा समेत जोड दिएका छन् ।

सत्य निरुपण तथा मेलमिलाप र वेपत्ता आयोगसम्बन्धी कानुन निर्माण अन्तिम चरणमा पुगेको भन्दै उनले भने, ‘यही अधिवेशनबाट शान्ति प्रक्रियालाई सफलतापूर्वक टुंगोमा पुर्‍याएको घोषणा गर्न सक्छौं भन्ने विश्वास छ ।’ onlinekhabar.com

मनपरे शेयर गरौ ! 

Related post