• November 28, 2020

रोकिएन लकडाउनमा पनि कालोपत्रेको काम

 रोकिएन लकडाउनमा पनि कालोपत्रेको काम
मनपरे शेयर गरौ ! 

मेचीनगर / लकडाउनका बीच झापाको मेचीनगरको भृकुटीचोक देखि बौद्घमोडसम्मको सडकमा कालोपत्रेको काम धमाधम भइरहेको छ ।

शहरी विकास मन्त्रालयको एकीकृत वस्ती विकास कार्यक्रम अन्तर्गत ४ किलो मिटर बाटो कालोपत्रे गर्ने काम निर्वाध ढंगले सञ्चालन भइरहेको छ । सधन शहरी विकास तथा भवन निर्माण आयोेजना कार्यान्वयन गर्ने निकाय हो ।

अहिले कालोपत्रेलगायत अन्य कुनै पनि काम नरोकिएको आयोजना प्रमुख इञ्जिनियर राजेन्द्र खतिवडाले जानकारी दिए । अहिलेसम्म कालोपत्रे गर्ने काम ८० देखि ८५ प्रतिशत सम्पन्न भइसकेको उनको भनाई छ ।

बाँकी काम तीब्ररुपमा भइरहेको र जेठ मसान्तभित्रमा सकिने उनले जानकारी दिए । सामाजिक दुरी कायम गदैें सुरक्षा साम्रीको भरपुर प्रयोग गरी मजदुरहर परिचालन गरिएको छ ।

२०७६ चैत मसान्तमा निर्माण कार्य सम्पन्नगर्ने सम्झौता भएपनि हालको अवस्थाका कारण निर्धारित समयमै काम सम्पन्न हुन नसकेको र जेठ मसान्तभित्रमा निर्माणका सबै कार्य सम्पन्न हुने निर्माण कम्पनि खनाल कन्ट्रक्सनका प्रवन्ध निर्देशक डिल्ली खनालले जानकारी दिए ।

कालोपत्रे प्रिमिक्स कार्पेटिङ रहेको यसको मोटाई ४ सेन्टिमिटर ४० मिलिमिटर रहेको इञ्जिनियर खतिवडाको भनाई छ ।

२०७६ असार २२ गते सम्झौता भएको उक्त योजनाको कुल लागत मुल्य अभिवृद्घि भ्याट बाहेक २ करोड ५९ लाख ३७ हजार ८ सय ५० रुपैयाँ रहेको छ ।

उक्त योेजनाको शनिबार मेचीनगर नगरपालिकाले नगरप्रमुख विमल आचार्य उपप्रमुख मीना पोखरेल उप्रेतीले स्थलगत अनुगमन र निरीक्षण गदैं सधन शहरी विकास तथा भवन निर्माण आयोेजना, निर्माण कम्पनि, जनप्रतिनिधिलगायत स्थानीयवासीसँग छलफल गरेकी थिइन् ।

नगरपालिकाका प्रेस संयोजक लक्ष्मी उप्रेतीका अनुसार नगरप्रमुख आचार्य र उपप्रमुख उप्रेतीले विकास निर्माणका काम गुणस्तर हुनुपर्ने र परिमाण भन्दा पनि परिणाममुखी र स्थानीयवासीले चाहे अनुसारको हुनुपर्ने बताएका थिए ।

गुणस्तरमा कुनै सम्झौता नगरी योजनालाई अघि बढाउन समेत दुबैजनाले जोड दिए । हस्तानतरण गरेको समयदेखि एकवषर्मसम्म सडकमा कुनै समस्या आए निर्माण कम्पनिले निःशुल्क रुपमा त्यसको मर्मत तथा सम्भार गर्ने कम्पनि खनाल कन्ट्रक्सनका प्रवन्ध निर्देशक डिल्ली खनालले प्रतिवद्घता व्यक्त गरे ।

मनपरे शेयर गरौ ! 

Related post