काठमाडौं / कोरोना भाइरस (कोभिड–१९) को संक्रमणबाट नेपालमा थप ३ जनाको मृत्यु भएको छ ।

योसहित नेपालमा कोरोनाबाट मृत्यु हुनेको संख्या ४८ पुगेको छ ।

स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले थप ३ जना पुरुषको कोरोना भाइरस संक्रमणबाट मृत्यु भएको बताएका छन् ।

मृत्यु हुनेमा पर्साका ६५ वर्षीय, धनुषाका ३६ वर्षीय र बाराका ६० वर्षीय पुरुष रहेको मन्त्रालयले जनाएको छ ।

सोमबार थप १३९ जनामा कोरोना भाइरस (कोभिड (१९) संक्रमण देखिएको छ ।

स्वास्थ्य तथा जनसंख्या मन्त्रालयका प्रवक्ता डा. गौतमका अनुसार नयाँसहित कूल संक्रमितको संख्या १८ जहार ७५२ पुगेको हो ।

आइतबार मात्रै १३० जनामा कोरोना संक्रमण देखिएको थियो ।