• September 23, 2020

म्यान्चेस्टर युनाइटेडका कप्तान म्याग्वायर पक्राउ

 म्यान्चेस्टर युनाइटेडका कप्तान म्याग्वायर पक्राउ
मनपरे शेयर गरौ ! 

एजेन्सी / माइकोनोस टापुमा भएको घटनापछि म्यान्चेस्टर युनाइटेडका कप्तान ह्यारी म्याग्वायर पक्राउ परेका छन् । इंग्ल्याण्डका २७ वर्षीय डिफेन्डर हाल छुट्टी मनाउन ग्रिसमा रहेका छन् ।

माइकोनोसमा प्रहरीसँग कथितरुपमा भएको झगडापछि ‘तीन विदेशी’ लाई पक्राउ गरिएको अधिकारीहरुले जानकारी दिएका छन् ।

यता, म्याग्वायरका वकिल कोन्सटान्टिनो डारिभासले भने सबै आरोपहरु अस्वीकार गर्दै शनिबार बिना कुनै मुद्दा उनले सफाइ पाउने आशा व्यक्त गरे ।

सन् २०१९ को अगस्तमा म्याग्वायर डिफेन्डरको लागि विश्व कीर्तिमानी ८ करोड पाउन्डमा लेस्टर सिटीबाट युनाइटेडसँग आबद्ध भएका हुन् ।

ग्रीक प्रहरीका अनुसार एक बारमा दुई समूहबीच भएको झगडा छुट्याउन उनीहरु त्यहाँ पुगेका थिए । त्यहाँ उपस्थित तीन विदेशी पर्यटकले प्रहरीमाथि अपशब्द प्रयोग गर्नुका साथै एक प्रहरीमाथि भौतिक आक्रमण गरेको आरोप छ । उनीहरुले मुद्दा नचलाउनका लागि घुस दिने प्रयास गरेको पनि प्रहरीले बताएका छन् ।

प्रहरीका अनुसार उनीमाथि प्रहरी अधिकारीमाथि हिंसा, अवज्ञा, शारीरिक हानी, अपमान र घुसको प्रयासको आरोप दर्ता गरिएको छ । म्याग्वायरमाथि के आरोप लगाइएको छ भन्ने खुलेको छैन ।

मनपरे शेयर गरौ ! 

Related post