कविता

कथा कविता साहित्य


                                                                            -दुर्गाप्रसाद कडरिया  (झापाली कान्छो)

                                                                                               ∼शहीद∼

  सलाम छ ती महान शहीदहरु प्रती
जो आफू हारेर जनतालाई जिताए
निमुखा जनतालाई अधिकार दिलाए
सामन्ती सरकारको किल्ला भत्काए
सलाम छ ती वीर सपूतहरुलाई
जस्ले आफ्नो बलिदान दिएर सामन्तीलाई झुकाए
हृदय देखी सलाम छ् ती महापुरुषहरुलाई
जस्ले तातो गोलि खाई रैतीबाट नागरिक बनाए
देशको माटो र नागरिकलाई सर्वोच्च मान्दै
लोभ र लालचमा आफ्नो स्वाभिमान साटेनन्
सलाम छ ती अमर शहीदहरु प्रती
जो आफू ढलेर जनताको आवाज उठाए …