नेपालको लगातार चौंथो जित, समुह विजेता बन्दै सेमीफाइनल प्रवेश

थाईल्याण्ड वुमेन्स टि-२० अन्तर्गत नेपालले आयोजक थाईल्याण्डको ‘ए’ टिमलाई ९ विकेटले सहजै पराजित गरेको छ।

जितसंगै नेपाली महिला टिम समुह ‘ए’ विजेताको रुपमा सेमीफाइनल प्रवेश गरेको छ। शुक्रवार खेलिने सेमीफाइनलमा नेपालले समुह ‘बि’ को उपविजेता टिमको सामना गर्नेछ। इन्डोनेसियासंग नेपालले सेमीफाइनल खेल्ने सम्भावना प्रवल रहेको छ।

खेलमा टस जितेर ब्याटिंग गरेको थाईल्याण्ड ‘ए’ ले मात्र १९ रनमा सम्पूर्ण विकेट गुमाएको थियो। २० रनको लक्ष्य नेपालले ३.३ ओभरमा १ विकेट गुमाएर पुरा गर्दै ९ विकेटको जित दर्ता गरेको हो।

नेरी थापाले अविजित ५ तथा डली भट्टले अविजित २ रन बनाउदै नेपाललाई जितसम्म पुर्याए भने ममता चौधरी ८ रन बनाएर आउट भईन् जसले १ चौका प्रहार गरिन्।

यस अघि टस जितेर पहिले ब्याटिंग गर्दै थाईल्याण्ड ए टिमले १९ रनमा सम्पूर्ण विकेट गुमाउदै नेपाललाई २० रनको लक्ष्य दिएको थियो।

थाईल्याण्ड ‘ए’ ले ब्याटिंग रोजेपछि कमजोर सुरुवात गर्ने क्रममा २ रनको योगफलमा २ विकेट गुमाउन पुग्यो। रन नखर्चे पनि तेश्रो ओभरमा २ विकेट झारे पनि तेश्रो विकेट झार्न सातौँ ओभरसम्म कुर्नु पर्यो।

१० रन बनाउदा तेश्रो विकेट गुमाएको घरेलु टिमले १ रन पनि थप्न नसक्दा थप ३ विकेट गुमाउन पुग्यो। १०/२ रहेको थाईल्याण्डको योगफल १०/६ पुग्यो। त्यसपछि थप ९ रन जोड्दा बाँकी ४ विकेट पनि उसले गुमाउन पुग्यो फलस्वरूप १५.४ ओभरमा १९ रनमा सबै विकेट गुमाउन पुग्यो।

थाईल्याण्डका ६ जना ब्याट्सउमनहरुले खाता पनि खोल्न सकेनन् भने नेपालले दिएको ७ अतिरिक्त रन योगफलमा सर्वाधिक योगदान रह्यो। थानचनोक फोपलुकले बनाएको ४ रन सर्वाधिक योगदान रह्यो।

wicketsnepal.com