नेकपा झापाले कस्ता कार्यक्रम गर्दैछ जनयुद्ध दिवशमा

समाचार समाज स्थानीय

गौरीगंज / सत्तारुढ दल नेकपाको झापा जिल्ला कमिटिले आगामी फागुन १ गते ‘जनयुद्ध दिवस’ मनाउने निर्णय गरेको छ । फागुन १ गते ‘२३ औं महान जनयुद्ध दिवस’ विषयक प्रवचन कार्यक्रमको आयोजना गरिने नेकपा झापाले निर्णय गरेको छ ।

उक्त दिन पार्टीका प्रतिनिधिहरुलाई उपस्थितिका लागि नेकपा झापाले आग्रहसमेत गरेको छ । आगामी फागुन ९ गते दिवंगत तत्कालिन माओवादीका नेता गौरीशंकर खड्काको ८ औं स्मृती दिवस कार्यक्रममा उपस्थितिका लागि पार्टी सदस्यहरुलाई नेकपाले आग्रह गरेको छ ।

उक्त दिन नेकपाका अध्यक्ष पुष्पकमल दाहाल प्रचण्ड कार्यक्रममा उपस्थित हुने बताइएको छ ।

‘जनयुद्ध’ का प्रथम सहिद दिलबहादुर रम्तेलले सहादत प्राप्त भएको दिन फागुन १४ गते झापाका सबै स्थानीय तहमा सहिद तथा बेपत्ता परिवार, जनयुद्धका घाइतेहरुलाई भेटघाट कार्यक्रम आयोजना गर्न नेकपा झापाले स्थानीय कमिटिहरुलाई निर्देशन दिएको बताइएको छ ।

साथै झापा आन्दोलनका सहिदहरुको सम्झनामा फागुन २१ गते झापा र इलामको सीमाना सुखानीमा कार्यक्रम गर्ने पनि नेकपा झापाले निर्णय गरेको छ ।