मोरङ / कुखुराको दाना उतपादन गर्ने उद्योग परिषरभित्र ट्रकका एक चालक मृत अवस्थामा भेटिएका छन् ।

दाना उत्पादन गर्दै आएको मोरङको बूढीगंगा गाउँपालिका–२ स्थित उद्योग परिषरभित्र ट्रक चालक मृत फेला परेका हुन ।

बीआर ११ जीए ०७६१ नम्बरको ट्रकका चालक भारतको विहार पूर्णियाका ३७ वर्षीय इन्द्रजीत मण्डलको शव शनिबार बिहान भेटिएको हो ।

उनी नेपाल वेल होप एग्रिटेक प्रालि अन्तर्गतको विजय पेलेट दाना उद्योगका लागि भारतबाट मकै ढुवानी गर्ने चालक रहेको पुष्टि भएको प्रहरीले जनाएको छ ।

मोरङ प्रहरी प्रमुख एसपी सन्तोष खड्काका अनुसार मण्डल खाना खाएर हिजोराति त्यही ट्रकमा लोड गरिएको मकैको बोरामाथि सुतेको पाइएको छ ।

मकैको बोरामाथि सुतेका ट्रकका चालकलाई बिहान भुइँमा खसेको अवस्थामा मृत फेला पारिएको एसपी खड्काले बताए ।

निधाएका बेला चाल नपाएर ट्रकबाट खसेपछि उनको मृत्यु भएको हुन सक्ने अनुमान प्रहरीले गरेको छ ।