• November 25, 2020

आज छठ पर्वको मुख्य दिन, अस्ताउँदो सूर्यलाई अर्घ्य दिइँदै

 आज छठ पर्वको मुख्य दिन, अस्ताउँदो सूर्यलाई अर्घ्य दिइँदै
मनपरे शेयर गरौ ! 

झापा / आज छठ पर्वको मुख्य दिन, साँझ अस्ताउँदो सूर्यलाई पूजा आराधना गरी अर्घ्य दिएर मनाइदैछ ।

कार्तिक शुक्ल चतुर्थीदेखि सप्तमीसम्म सूर्यको श्रद्धा भक्तिपूर्वक आराधना र पूजा गरी मनाइने छठ पर्व बुधबारदेखि सुरु भएको हो । साँझ अस्ताउँदो सूर्यलाई अर्घ्य दिन खोला नालालाई दुलही झैँ सजाइएको छ ।

केही ठाउँका जलाशय बनाएर सजाइएको छ ।

कोरोना संक्रमण जोखिमका कारण यसवर्ष धेरै ठाउँमा घरमै छठ पर्व मनाईंदैछ । सरकारले घरमै छठ पर्व मनाउन अनुरोध गरेको छ । घरबाहिर छठ मनाईंए अनिवार्य रूपमा भौतिक दूरी र स्वास्थ्य सुरक्षा मादण्ड पालना गर्न सरकारले अनुरोध गरेको छ ।

छठ पर्वको पहिलो दिन स्नान गरी एक छाक खाएर बस्ने गरिन्छ । दोस्रो दिन कार्तिक शुक्ल पञ्चमीमा सखर हालेर बनाइएको खीर (खरना) षष्ठी मातालाई चढाएर अलिकति व्रतालुले प्रसादस्वरुप खाने र नुन नखाएरै एक छाक फलाहार गरिन्छ ।

यो पर्वको मुख्य दिन कार्तिक शुक्ल षष्ठीका दिन कठोर निराहार व्रत बसी बेलुकी अस्ताउँदो सूर्यलाई पूजा आराधना गरी अर्घ्य दिने विधि विधान छ ।

षष्ठीका दिन रातभर जागा बसी कात्तिक शुक्ल सप्तमीका दिन बिहान उदाउँदो सूर्यलाई पूजा आराधना गरी विधिपूर्वक अर्घ्य दिएपछि यो पर्व समापन हुन्छ ।

मनपरे शेयर गरौ ! 

Related post