• November 28, 2021

नेपाल पत्रकार महासङ्घ अध्यक्षमा विपुल पोखरेल भारी मतले विजयी

 नेपाल पत्रकार महासङ्घ अध्यक्षमा विपुल पोखरेल भारी मतले विजयी
मनपरे शेयर गरौ ! 


काठमाडौं / नेपाल पत्रकार महासङ्घको केन्द्रीय अध्यक्षमा विपुल पोखरेल निर्वाचित भएका छन् ।
बुधबार भएको २६ औं महाधिवेशनबाट विपुल पोखरेल नेतृत्वको प्यानल विजयी भएको हो ।

शनिबार सकिएको मतगणनाअनुसार अध्यक्षमा पोखरेल नेतृत्वको समूहले बढी जित हासिल गरेको छ ।

निर्वाचन समितिले आज साँझ ५ बजे महासङ्घ केन्द्रीय कार्यालयमा पत्रकार सम्मेलन गरी अन्तिम परिणाम सार्वजनिक गर्ने जनाएको छ ।

महासंघका अनुसार अध्यक्षमा पोखरेल भारी मतले विजयी भएका छन् । वरिष्ठ उपाध्यक्षमा रमेश विष्ट, महिला उपाध्यक्षमा बाला अधिकारी, महासचिवमा रोशन पुरी, उपाध्यक्ष समावेशीमा उदय जिएम निर्वाचित भएका छन् ।


त्यस्तै, खुला सचिवमा गोविन्द चौलागाई, सचिव आदिवासीमा नारायण सुन्दर किलम्बु, सचिव दलितमा हेमकर्ण विक, सचिव एशोसियटसमा पवन आचार्य, कोषाध्यक्षमा कलेन्द्र सेजुवाल, लेखा समिति संयोजकमा लेखनाथ न्यौपाने निर्वाचित भएको महासङ्घले जनाएको छ ।


नेकपा (एमाले) निकट प्रेस चौतारी नेपाल, राप्रपा निकट मिडिया नेपाल, जसपा निकट प्रेस मञ्चसहितको प्यानलबाट निर्मला शर्मा नेतृत्वको प्यानलले केही जिल्लामा जिते पनि नेतृत्व पङ्तिमा हार व्यहोरेको महासङ्घ निर्वाचन समितिले जनाएको छ ।

प्रेस युनियन, प्रेस सेन्टरसहित ११ संगठनको प्यानलमा पोखरेल नेतृत्वको समूहले उम्मेदवारी दिएको थियो ।

त्यस्तै, प्रेस चौतारी नेपाल, प्रेस मञ्च, मिडिया नेपाल लगायतका संगठनको प्यानलमा निर्मला शर्मा नेतृत्वको समूहले प्रतिस्पर्धा गरेको थियो । न्यूजअफ नेपालबाट

मनपरे शेयर गरौ ! 

Related post